ماكينة فاكيوم تشكيل لتصنيع الامبولات البلاستيك موديل 605 ماركة مهندس منسي
ماكينة فاكيوم تشكيل لتصنيع الامبولات البلاستيك موديل 605 ماركة مهندس منسي
| العميل | : | السلام عليكم |
| المهندس منسي | : | عليكم السلام ورحمة الله وبركاته |
| العميل | : | شركة المهندس منسي |
| المهندس منسي | : | أيوه |
| العميل | : | مع حضرتك د/ مصطفى زلط |
| المهندس منسي | : | أهلاً وسهلاً |
| العميل | : | أهلاً بحضرتك، كنت بعمل بحث عن أمبولات البلاستيك أو زي درج كده لمستحضرات تجميل، فطلعت من على النت بموقع حضرتك، هو حضرتك بتنتجها ولا كمان ممكن نجيب المادة الخامة نعبيها؟ |
| المهندس منسي | : | لا إحنا ممكن ننتجها لك، وممكن نديلك المكنة اللي تنتجها |
| العميل | : | هو أنا حالياً بصنع لدى الغير تمام، بس هو المصنع اللي أنا موجود فيه ماعندوش المكنة دي |
| المهندس منسي | : | لا هي مكنة بسيطة مش محتاجة مصنع ولا حاجة، إحنا عاملين مكنة مبسطة على الآخر، وسعرها |
| العميل | : | تمام.. هو ده مطلوب مننا للتصدير فعشان كده فأنا لما ببعت للتصدير فالمفروض إن أنا بسجل لدى الغير، بصنع لدى الغير |
| المهندس منسي | : | آه.. إنت مضطر إنك تعبي عندهم |
| العميل | : | آه بالضبط كده، هي النقطة هنا إن أنا ممكن بالتفاهم معاهم إن أنا أعبي في مكان تاني لأن همه ماعندهمش تعبئة الأمبولات دي |
| المهندس منسي | : | ولا حاجة، إنت ممكن تاخد الأمبولات، أو تصنع الأمبولات وتتديهالهم يعبوها |
| العميل | : | بالضبط.. |
| المهندس منسي | : | إن شاء الله |
| العميل | : | ماشي يا فندم، السلام عليكم |
