ماكينة فاكيوم ثيرموفورمينج لتصنيع اطباق الفوم الصغيره موديل 605 ماركة مهندس منسي
ماكينة فاكيوم ثيرموفورمينج لتصنيع اطباق الفوم الصغيره موديل 605 ماركة مهندس منسي
| العميل | : | السلام عليكم |
| المهندس منسي | : | عليكم السلام ورحمة الله وبركاته |
| العميل | : | المهندس منسي |
| المهندس منسي | : | أيوه |
| العميل | : | لو سمحت كنت عايز أعرف خط إنتاج أطباق الفوم الصغير بكام؟ |
| المهندس منسي | : | مكنة نص أتوماتيك بتصنعه بـ دولار، عشان تحسب بالمصري |
| العميل | : | يعني حوالي |
| المهندس منسي | : | في الحدود دي |
| العميل | : | طب هي بتصنع كام واحدة؟ |
| المهندس منسي | : | ما هو في الحالة دي ما ينفعش نقولك كام واحدة لسبب بسيط، لأنه إحنا ما نعرفش أبعاد الطبق بتاعك كام × كام، بيبقى على حسب السايز بتاع الطبق بتاعك، لازم حضرتك تيجي تشرفنا بالزيارة أطلعك عليها، طالما موجودة بضاعة حاضرة أفرجك عليها وأبدأ بعد كده نحسبها مع بعض أنهي طبق اللي إنت هتعمله، بعد كده أقولك دي تعمل كذا |
| العميل | : | والخامات موجودة وكل حاجة؟ |
| المهندس منسي | : | الخامات مرططة في السوق |
| العميل | : | تمام.. تمام.. |
| المهندس منسي | : | ابتدي بنص أتوماتيك وبعد كده ربنا ييسر لك الأمور بعد كده نجيب لك الأتوماتيك |
| العميل | : | طب الأتوماتيك بكام؟ |
| المهندس منسي | : | إحنا كنا بنجيب الأتوماتيك ولكن وقفناها من ساعة الجنيه ما نزل لأنه لقينا الناس بيسألوا على الأتوماتيك وبس ما بيفذوش، فأنا مش متذكر سعر الأتوماتيك |
| العميل | : | هي النص أتوماتيك كويسة يعني ممكن أشتغل بيها؟ |
| المهندس منسي | : | آه ممكن تشتغل وتبدأ وتعمل مشروع، في ناس بتعمل بيها مشاريع كتيرة، لاحظ إنها مش بتعمل أطباق الفوم وبس، لا دي بتعمل اكسسوارات الموبايل، وبتعمل أطباق الحلواني، وبتعمل منتجات كتير.. كتير.. كتير.. يعني لو قلت لك من هنا لبكرة.. دي محتاجة كتب عشان أقولك المنتجات اللي بتعملها |
| العميل | : | تمام.. ماشي يا باشا، طب ممكن تديني العنوان آجي لحضرتك؟ |
| المهندس منسي | : | هبعت رابط هتلاقي فيه العناوين كلها هتروح هناك تقولهم عايز المكنة 605 ماركة المهندس منسي اللي بتصنع الأطباق |
| العميل | : | تمام ماشي خلاص |
| المهندس منسي | : | ماشي… |
| العميل | : | وفي صيانة ليها وكده صح؟ |
| المهندس منسي | : | إنت بتتكلم في ماركة وبراند عالمي، هو كل مشكلته بس إن اسمه عربي، بس إحنا ماركة، إحنا عندنا فرع في قلب الصين بيبيع مكن للصينيين وللعالم كله |
| العميل | : | تمام.. |
| المهندس منسي | : | اكتب كده المهندس منسي في معرض الصين الدولي واتفرج وإحنا بنعرض في معرض الصين الدولي وبنافس في الصينيين |
| العميل | : | تمام يا باشا أنا عارف إن صيتكم مسمع ما شاء الله |
| المهندس منسي | : | المكنة رقمها كام بقى؟ |
| العميل | : | 605 |
| المهندس منسي | : | ماشي يا باشا |
| العميل | : | والخامة موجودة طبعاً، والخامة بكام؟ |
| المهندس منسي | : | الخامة بتبقى على حسب سعر اليوم، يعني مثلاً النهاردة ممكن يكون للطن بتحط عليها 40% مصنعية، الخامة سعرها متغير، يعني لما تروح لأي حد هيديلك بالسعر ده، لأن ده سعر عالمي |
| العميل | : | طب بالنسبة للمصنعية يعني كله هيديني بالمصنعية |
| المهندس منسي | : | يعني هو هيصنعها لك ببلاش، ما هو أنا بكلمك في سعر الخامة خامات أولية، فهو خادها حولها لك لأفرخ، فإنت هتاخدها منه أفرخ وتديله حق المصنعية |
| العميل | : | تمام.. |
| المهندس منسي | : | بص يا سيدي إنت عشان تطلع طبق فوم إذا كان خطك أتوماتيك أو نص أتوماتيك، أول حاجة بتعمل حاجة اسمها اكسترودر بيطلع لك رولات على هيئة رول كده… معايا |
| العميل | : | خلاص ابعتلي العناوين والتفاصيل كلها والمبيعات وكل حاجة |
