ماكينة فاكيوم ذو حجرتين لفاكيمة اللحوم والبسطرمه موديل 603 ماركة مهندس منسي
ماكينة فاكيوم ذو حجرتين لفاكيمة اللحوم والبسطرمه موديل 603 ماركة مهندس منسي
| العميل | : | السلام عليكم |
| المهندس منسي | : | عليكم السلام ورحمة الله وبركاته |
| العميل | : | شركة المهندس منسي |
| المهندس منسي | : | أيوه |
| العميل | : | حضرتك إحنا شركة المصرية السويسرية لتصنيع اللحوم، معاك إدارة المشتريات يا فندم، أنا كنت عايز عرض سعر لمكنة فاكيوم أم عين واحدة |
| المهندس منسي | : | آه عندنا أم عين واحدة، وأم عينين |
| العميل | : | ماشي، أنا بصنع لحمة وبسطرمة والكلام ده، فعايز أعرف مواصفاتها إيه؟ وسعرها إيه والكلام ده؟ |
| المهندس منسي | : | ماشي ابعتلي على الواتس طلب عناوين وأنا أبعت لك… |
| العميل | : | عرض سعر على الشركة |
| المهندس منسي | : | هو كل حاجة تحتها سعرها على فكرة، ولكن ممكن أبعت لك أرقام المبيعات تتابع معاهم |
| العميل | : | ماشي ممكن رقم المبيعات، أنا شايف فعلاً قدامي إم تو باك 603 |
| المهندس منسي | : | آه دي 2 عين |
| العميل | : | آه دي تشتغل معايا كويس |
| المهندس منسي | : | آه إحنا موردين منها كتير قوي |
| العميل | : | ماشي إحنا زي حلواني كده، بس إحنا توريداتنا للمطاعم والفنادق والكلام ده |
| المهندس منسي | : | وعندنا كمان أكياس الفاكيوم |
| العميل | : | طب إحنا ممكن نعمل شغل مع بعض، لأن إحنا 4 شركات، الكيس ده بيبقى كام ميكرون ولا على حسب الاتفاق |
| المهندس منسي | : | عندنا كله، عندنا 75، 110 ، 180، والـ 180 ده نادر لما تلاقيه في مصر، مع إن المفروض الـ180 بيزود الصلاحية أكتر |
| العميل | : | فعلاً إحنا أهم حاجة عندنا في التغليف عندنا، لأن أنا عندي الشغل بيترفض لو الكيس مش تمام، فماشي اديني رقم حد من المبيعات وأنا أقعد معاه حتى لو يجيلي الشركة ونقعد مع بعض، أنا كده كده في مكنة برده محتاجها |
| المهندس منسي | : | هو للأسف مش عندنا مناديب |
| العميل | : | مافيش مشكلة أنا ممكن أجيلك، في المكنة ممكن أجيلك يبقى معايا حد، بس أنا برده كنت عايز آخد شويه بيانات، بتبقى تكلفتها كام |
| المهندس منسي | : | في حدود |
| العميل | : | ده طبعاً غير الشحن وغير الكوميشن بتاع حضرتك، ولا مين معايا؟ |
| العميل | : | طب دي حاجة كويسة يا ريس |
| المهندس منسي | : | فعشان كده هتبص تلاقينا اكتب كده المهندس منسي في معرض الصين الدولي هتلاقينا كنا بنعرض في قلب الصين وبنافس في الصينيين |
| العميل | : | ما هو أنا ما أرشحش لأن إحنا عندنا الشركة هنا جايبة كل المكن من ألمانيا لأن إحنا شركة خواجات، يعني أصحاب الشركة هنا سويسريين، بس أنا أشجع المصري لأن أنا عارف الشغل المصري، على الأقل حضرتك هتصين لي لو في حاجة |
| المهندس منسي | : | آه… التصميم مصري دارس في ألمانيا بسعر الصين، فبقى كولكشن الحمد لله بنحمد ربنا عليه |
| العميل | : | ربنا يزيدك يا ريس |
| المهندس منسي | : | المكنة بتاعتنا بقالنا دلوقتي من سنة 2006 شغالين، الوحيدين اللي هتلاقيهم بشرحوا مكنهم على الإنترنت، الوحيدين اللي هتلاقيهم بيشرحوا صيانة لأن فاهمين إحنا بنعمل إيه، لو حصل عندك عطل في مكنة ولا حاجة هتروح دايس على الفيديو هتخش في ثانية تصلحها |
| العميل | : | تمام يا ريس |
| المهندس منسي | : | يعني هتكتب شرح ماكينة 603 المهندس منسي، لازم تلحق جنبيها كلمة المهندس منسي، هتلاقي كذا واحد بيشرح لك بكذا لهجة، مش هتلاقي واحد ولا اثنين ولا ثلاثة |
| العميل | : | وبعدين إنت جنبي هنا يا ريس أنا شايف في باب الشعرية |
| المهندس منسي | : | إحنا عندنا باب الشعرية، حدائق القبة، مدينة نصر، 6 أكتوبر، غمرة، العبور |
| العميل | : | فيه في العاشر من رمضان |
| المهندس منسي | : | العاشر من رمضان لسه بنطلع في رخصة المباني |
| العميل | : | ربنا يوفقك يا ريس، إحنا هنا في العاشر من رمضان |
| المهندس منسي | : | كنت عندكم إمبارح بجيب الرسومات، عملت الرسومات ورايح أوديها ياخد الختم بس |
| العميل | : | بالتوفيق إن شاء الله، يعني يا ريس السعر ده شامل كله |
| المهندس منسي | : | آه ده هنا بضاعة حاضرة تيجي تستلم على طول |
| العميل | : | طيب أوكيه ماشي |
| المهندس منسي | : | بس أنا برجح لك مادام إنت شركة ومصنع برجح لك الـ603 |
| العميل | : | آه.. طب الطاقة الإنتاجية بتاعتها أد إيه يا ريس؟ |
| المهندس منسي | : | مش مكتوب قدامك جدول المواصفات |
| العميل | : | ما بتختلفش من منتج لمنتج يا ريس |
| المهندس منسي | : | لا هي ما بتختلفش، ما هي اللحمة زي البقوليات… كلها زي بعض |
| العميل | : | بس حضرتك ممكن تشوف لي الأنسب إيه؟ |
| المهندس منسي | : | أنا شايف الأنسب 603، ولكن لو عندك حاجات سريعة ومستعجلة وعايز تخليهم يغلفوها يبقى 601، لكن بالنسبة لك كإنتاجية.. |
| العميل | : | أنا يهمني الكواليتي |
| المهندس منسي | : | الاثنين كواليتي واحد، ولكن 603 بالنسبة هتبقى كواليتي أعلى وإنتاجية أعلى |
| العميل | : | طب حضرتك بتشتغل في مكن التقطيع ولا تعبئة وتغليف بس؟ |
| المهندس منسي | : | ده بقى نقعد مع بعض نشوف المكنة إن شاء الله |
| العميل | : | طب متشكرين يا باش مهندس |
| المهندس منسي | : | لا تحت أمرك |
| العميل | : | مع السلامة |
