ماكينة فاكيوم لتشكيل علب الزبادي والكشري موديل 605 ماركة مهندس منسي

ماكينات تغليف بالفاكيوم

ماكينة فاكيوم لتشكيل علب الزبادي والكشري موديل 605 ماركة مهندس منسي

العميل	:	السلام عليكم
المهندس منسي	:	عليكم السلام ورحمة الله وبركاته
العميل	:	لو سمحت عايز أعرف أسعار ماكينة الزبادي والكشري
المهندس منسي	:	اللي عندنا مكنة نص أتوماتيك
العميل	:	دي بتبقى حقن ولا بيتحط لها رول
المهندس منسي	:	لا بيبقى رول بتتفكيوم بنظام الثيرموفورمينج وبعد كده بتتقطع
العميل	:	دي بتنتج كام في الساعة يا باش مهندس؟
المهندس منسي	:	في الحاجات دي مافيش حاجة اسمها بتنتج كام في الساعة، دي بتنتج آلاف المنتجات، لازم كل شغلانة يتحسب لها كام إنتاجها في الساعة
العميل	:	يعني هي بتعمل علب كشري مثلاً معاها ومعاها الزبادي
المهندس منسي	:	تعمل اللي تعمله، بتعمل كل الأشكال، ولكن يستحسن لو تشتغل في الأشكال غير النمطية، الأشكال النمطية اللي هي علبة الكشري، وعلبة الزبادي العقيمة اللي بنشافها طول العمر دي، عموماً طبيعة الناس عموماً بتحب التجديد، فإنت ممكن تعمل شكل جديد تنزل بيه، هتنزله أغلى من الشكل النمطي، عشان توفر مع نفسك الماكس البرودكشن، الإنتاج العالي، إنت معاك مكنة نص أتوماتيك، فإنت هتبقى كل حاجة في المصنع، إنت اللي بتصنع وبتسوق، فعشان تعوض كل ده تنزل أشكال غير نمطية وتنزل بيها، فالمطاعم مثلاً بتحب تجدد، عشان تجذب العميل، فتقوم تاخد الأشكال بسعر أعلى شويه من الأشكال اللي قرفنا منها دي
العميل	:	بس همه الناس دلوقتي عايزين الحاجة الرخيصة في موضوع الزبادي، أي علبة بتترمي وخلاص
المهندس منسي	:	المحلات المعفنة اللي بتحب الحاجات الرخيصة، اطلع بقى على ماكدونالدز، اطلع على مؤمن.. دي محلات متطورة وغالية.. فهمتها وكل يوم في زيادة، بص خليك جريء، وخش بجرأة وما يهمكش، هي المكنة عمرها ما تخسر، لأنها مش بتعمل علب الكشري وبس، لا دي بتعمل علب الحلواني، وبتعمل اكسسوارات الموبايل، وبتعمل أشكال الوشوش التنكرية.. لو قعدت أعد لك المنتجات اللي بتعملها
العميل	:	دي اسطمبات يا باش مهندس
المهندس منسي	:	اسطمبات وبتتغير، تخيل إن المكنة النص أتوماتيك بتعمل كل الأشكال والمكنة الأتوماتيك بتعمل شكل أو شكلين بس
العميل	:	تمام.. طب النص دي الاسطمبات بتاعتها غالية ولا حلوة
المهندس منسي	:	لا رخيصة.. إحنا بنعملك في الأول وبنعلمك إزاي تعمل اسطمبات بنفسك، أنا بشجعك على التطور والجرأة لأن أخوك الحمد لله لو شفت عدد الابتكارات والاختراعات اللي عملها يعني الحمد لله
العميل	:	إحنا بنص عشان منطقتنا مثلاً أرياف وحاجات من دي
المهندس منسي	:	يا سيدي الفاضل أنا أساساً من منطقة ريفية تبع ميت غمر، لو منطقتك ما شجعتكش اطلع على غيرها
العميل	:	طب دي ثمنها كام يا باش مهندس
المهندس منسي	:
العميل	:	طب هو المكن الحقن والحاجات التانية دي عند حضرتك، اللي بتنفخ وبتاعت الأزايز و الحاجات دي
المهندس منسي	:	آه
العميل	:	طب المكنة النفخ اللي بتعمل الجالون الـ 5 كيلو
المهندس منسي	:	إنت شكلك كده لسه ما ريستش على المشروع اللي هتعمله، فمعلش ابعت رسالة على الإيميل وهتلاقي فريق مراسلات مقعدة مخصوص ليك
العميل	:	أنا كده السعر مناسب جداً وهاجي لحضرتك إن شاء الله
المهندس منسي	:	إنت تيجي تنورني في أي وقت، ولو عايز حاجات سريعة اكتب نفخ بلاستيك واكتب وراها المهندس منسي
العميل	:	يا الله ربنا يعينك يا باش مهندس، أنا إن شاء الله ناوي على الكشري والزبادي إن شاء الله، يعني مشروع الزبادي والكشري ده نمشي فيه؟
المهندس منسي	:	بص هو أي مشروع خش في الأول وحسس، ممكن أعملك دراسة جدوى ما تخرش نقطة المياه، وفي الآخر تلاقي السوق هو اللي ما شجعكش، إحنا شغلتنا في الأعمال بتيجي بناء على الممارسات، عشان تخش عالم الصناعة في أسلوبين اثنين، أسلوب اسمه أسلوب الدراسة وأسلوب الممارسة، الدراسة يعني إنت مجهز دراسة فنية هندسية، وفي أسلوب اسمه الممارسة يعني أخش العمل وأمارس وبعد كده هواجهني مشكلات أبدأ أحلها، هتحط لنفسك تايم في حدود 6 أشهر، الـ 6 أشهر دول أوعى تفكر إنك تكسب فيهم، لأن إنت يا تعمل اسم يا تكسب، فإنت النهاردة في 6 أشهر دول اعمل اسم ونصيحة لوجه الله اشتغل بكل أمانة وضمير وأخلاق، هتلاقي الفرص قدامك في انعدام الضمير كتير اوعى تتجه ليها، بص هاتلي واحد ماعندوش ضمير ربنا فتح عليه، هتلاقيه القرش جري في إيده حلو قوي وتلاقيه جاله جلطة، جاله مش عارف إيه، ابنه باظ، ابنه ضربه بالقلم على وشه، بنته جريت مع واحد… حاجات كلها تقهر كده، لأنه مشي في درب الشياطين، أما لما تمشي في الحلال بتبني بناء بسيط بس مع مرور الأيام هتلاقي اسم مرتفع عالياً خفاقاً ما يهزوش ريح
العميل	:	ربنا يجازيك خير على النصائح دي يا باش مهندس، يعني هي يا باش مهندس النص أتوماتيك دي ما بتعملش التقليدي اللي موجود دلوقتي ده؟
المهندس منسي	:	تعمل التقليدي بس أنا بنصحك لوجه الله
العميل	:	أصل أنا ببص للمنطقة فخايف أعمل جديد فأتبهدل
المهندس منسي	:	خلاص عايز تعمل زي الناس اللي بتشتغل ولا أي حاجة أجيب لك خط أتوماتيك، إيه المانع، أنا جيبت الخط الخط الأتوماتيك ده حوالي 7 مرات في جمهورية مصر العربية، أنا اللي جبت الخط الأتوماتيك بتاع الزعيم بتاع الكشري، صاحبه أحمد كمال
العميل	:	آه.. دي بكام يا باش مهندس
المهندس منسي	:	التكلفة كانت أيامها في حدود ، بص هو بيتكون من الآتي، أول حاجة من خط الاكسترودر، ده بيطلع الرول، والخط التاني خط التشكيل، والخط الثالث خط الطباعة، مكنة الطباعة، ومكنة التشكيل، هل الناس عندكم بياخدوا مطبوع ولا من غير طباعة
العميل	:	لا بيحطوا أساميهم عليها طباعة
المهندس منسي	:	آه.. أنا كنت مورده بـ أو ، أنا ليه قلت عندي النص أتوماتيك، لأنه لقيت إن الناس بعد ما انهار الجنيه لقيتهم بيسألوا وبس ما حدش بينفذ
العميل	:	تمام.. لأن سعرها زاد قوي، هي المكنة الكبيرة دي
المهندس منسي	:	هي مش مكنة واحدة، ده مجموعة مكن مع بعضه
العميل	:	بس مافيش منها زي بتاعتك دي، أقل منها شويه في السعر مثلاً، تطلع المنتج ده بس أقل زي النص أتوماتيك
المهندس منسي	:	بص يا ابن عمي، إنت ممكن تشتغل مراحل، يعني أول حاجة تجيبها مكنة التشكيل وما تجبش مكنة الاكسترودر، يبقى إنت دلوقتي بتطلع علبة متشكلة ومش مطبوعة، والله يا جماعة ده اللي موجود في الوقت الحالي، شويه كده الدنيا اتحسنت والناس عرفت وبدأوا يدولك عرابين ويقولك خد واطبع تبدأ تجيب مكنة الطباعة
العميل	:	طب المكنة دي لوحدها بكام يا باش مهندس؟
المهندس منسي	:	والله صدقني ما متذكر، إنما ممكن أراجع الإيميلات تاني وأشوف لك بالضبط العملية كانت إيه وأرد عليك
العميل	:	طيب أنا هخش على الموقع بتاع حضرتك وأشوف كده أتابع مع حضرتك
المهندس منسي	:	ماشي يا غالي
العميل	:	ماشي يا باش مهندس، شكراً
المهندس منسي	:	تحت أمرك، مع السلامة
العميل	:	سلام