ماكينة فاكيوم لتصنيع الكوبايات التيك اواي من شركة المهندس منسي
ماكينة فاكيوم لتصنيع الكوبايات التيك اواي من شركة المهندس منسي
| العميل | : | السلام عليكم |
| المهندس منسي | : | عليكم السلام ورحمة الله وبركاته |
| العميل | : | شركة المهندس منسي |
| المهندس منسي | : | أيوه |
| العميل | : | كنت بسأل على مكنة تصنيع الكوبايات التيك أواي |
| المهندس منسي | : | آه موجودة |
| العميل | : | عامله كام يا باشا؟ |
| المهندس منسي | : | |
| العميل | : | صناعة إيه؟ |
| المهندس منسي | : | لا دي ماركة، براند عالمي |
| العميل | : | أيوه إيه بقى |
| المهندس منسي | : | دي ماركة اسمها ماركة المهندس منسي، ولكن الأذن العربية مش متعودة إنها تسمع عن اسم عربي ماركة، فنصيبنا كده |
| العميل | : | يا باشا نصيب زي الفل |
| المهندس منسي | : | يعني لما ييجي يقولك ريبان، ريبان ده اسم واحد، فيليبس اسم واحد |
| العميل | : | جديدة هي؟ |
| المهندس منسي | : | آه طبعاً |
| العميل | : | الإنتاج بتاعها إيه؟ وبتحتاج كهرباء إيه؟ |
| المهندس منسي | : | هوه الإنتاج بيتحدد بناء على كل سايس، لأنك النهاردة بتتكلم في تيك أواي، ارتفاعها كام، وطول وعرض، و.. و.. و.. فما ينفعش أقولك فيها إنتاجية، لأني لو قلتلك إنتاجية وأنا تاجر هقولك إنتاجية على علبة المربى |
| العميل | : | هي بتصنع إيه غير التيك أواي؟ |
| المهندس منسي | : | بتصنع علب المربى، وعلب الاكسسوارات… بص أنا لو قعدت أقولك من هنا لبكرة مش هيكفي |
| العميل | : | حلو يعني هي شغالة في كل الحاجات دي، بس بالنسبة لكوبايات التيك أواي فدي حاجات بتستخدم في مواد غذائية فطبعاً النظافة بتاعتها وكده |
| المهندس منسي | : | لا هي بالنسبة للمكنة هي مش مسئولة عن مواد غذائية أو مش مواد غذائية، أما بالنسبة لخامة البلاستيك اللي إنت هتحطها هي دي اللي تصلح للغذاء ولا ما تصلحش |
| العميل | : | تمام.. بس هي مخصصة أصلاً عشان التيك أواي |
| المهندس منسي | : | لا هي مخصصة عشان كل حاجة، عشان اللي تقابله، كوبايات بلاستيك، كوبايات زبادي… |
| العميل | : | مقاساتها بتتضبط، السايس بتاعها، الكلام ده كله |
| المهندس منسي | : | لا ده هو بيتعملها اسطمبة، وبعد ما بنعمل الاسطمبة بنحطها فيها، وبناء على الاسطمبة بتطلع الأشكال |
| العميل | : | تمام.. يعني اللي أنا هحدده مثلاً هشتغل عليه ده اللي هتعملي الاسطمبة بتاعته؟ |
| المهندس منسي | : | أنا بعملها لك، بعلمك إزاي تعملها، بعرفك على اللي يعملها، وات إيفر مش فارقة كتير |
| العميل | : | حلو، لكن هي كتوتال عامله |
| المهندس منسي | : | لا دولار، لو عايز تجيب 13 تتبرع بيهم لماركة المهندس منسي مافيش مشكلة |
| العميل | : | يا باشا عنينا ليك، أتشرف بحضرتك |
| العميل | : | طيب لو هجيلك أشوف المكنة آجي إمتى |
| المهندس منسي | : | لو حضرتك هتيجي ابعتلي طلب عناوين على الايميل وأنا أبعت لك العناوين وإنت اختار العنوان اللي يناسب حضرتك |
| العميل | : | مش هشوفك إنت؟ |
| المهندس منسي | : | يا باشا أنا أشوفك أتشرف بيك |
| العميل | : | إحنا اللي نتشرف والله |
| المهندس منسي | : | بس هتلاقي ناس أفضل مني يتعاملوا معاك |
| العميل | : | ربنا يكرمك يا باشا، طب هي بتحتاج كهربا أد إيه؟ |
| المهندس منسي | : | لا عادي براحتك، الكهرباء اللي إنت عايزها، 220 جايز، هي أوردي 220، عايز تشغلها إنت.. على حسب طلب العميل، عملية الكهرباء ديت إحنا اتغلبنا عليها، 220، 3 فاز، 110.. بص إحنا ماركة، يعني إحنا بالنسبة لنا مصنعين مش تجار، يعني أنا لو تاجر هقولك لا ده الكهرباء كذا، إنما أنا بقولك كهربتك إنت هنكيف المكنة عليها، ما إن المكنة موجودة وبضاعة حاضرة |
| العميل | : | تمام.. طب لو هعمل طلبية دلوقتي على المكنة أستلمها بعد أد إيه |
| المهندس منسي | : | لا إنت تقول لنفسك بقى؟ إنت بقيت المصنع |
| العميل | : | لا أنا أقصد المكنة أستلمها بعد إيه؟ |
| المهندس منسي | : | لا موجودة بضاعة حاضرة |
| العميل | : | طب بتحتاج مكان أد إيه طيب؟ |
| المهندس منسي | : | لا هي المكنة نفسها أد المكتب |
| العميل | : | أيوه.. أيوه.. أنا كنت شفت صورتها، يعني مكان 80 متر يشغلها كويس |
| المهندس منسي | : | ماشي يا غالي |
| العميل | : | خلاص هتابع معاك على الايميل تديني العناوين وإن شاء الله هجيلك |
| المهندس منسي | : | ماشي يا غالي |
| العميل | : | متشكر يا باش مهندس |
