مكنة الفاكيوم موديل 601 حجرة واحدة ماركة مهندس منسي
مكنة الفاكيوم موديل 601 حجرة واحدة ماركة مهندس منسي
العميل: السلام عليكم
المهندس منسي: عليكم السلام ورحمة الله وبركاته
العميل: لو سمحت كنت بسأل على سعر مكن الفاكيوم اللي رقم الموديل 601 أو 602 اللي هي حجرة واحدة
المهندس منسي: آه
العميل: كنت بسأل على سعر المكنة دي حضرتك
المهندس منسي: أو ما يعادلها بالجنيه المصري
العميل: يعني 500 يعني 10000 تقريباً
المهندس منسي: يعني 9000
العميل: طب المكنة دي تستوعب أفتح مشروع مثلاً الطاقة بتاعتها مثلاً تستوعب إن أنا أفتح مشروع تعبئة بن مثلاً كل يوم أعبي مثلاً في حدود 100 كيلو أكياس ربع كيلو، وليكن مثلاً بنتكلم في 400 كيس مثلاً يومياً، هل تستحمل المكنة دي ولا أنا محتاج مكنة تانية يكون الجهد بتاعها أكبر شويه
المهندس منسي: لا بالنسبة لها الكلام ده كلام بسيط جداً جداً جداً
العميل: اللي أنا بتكلم فيه ده بالنسبة للمكنة دي بسيط جداً والله
المهندس منسي: آه
العميل: بسم الله ما شاء الله… أنا حاسس إن المكنة أصلاً صغيرة يعني
المهندس منسي: لا.. لا… دي بتعمل كميات عالية أعلى من كده
601 تعمل كده أو 603
العميل: 603 مختلفة
المهندس منسي: 603 حجرتين
آه ده بيقوم عليه مصنع كامل
العميل: يااااااه
المهندس منسي: آه
العميل: طيب أنا بيني وبينك مبدئياً هعبي البن دون لكن بصراحة لو المكنة بتاعت حضرتك تستحمل مشروع تاني زي تعبئة رز أو مواد غذائية يبقى أنا هشتغل في السكتين لأن أنا كده كده أوردي ده مجال شغلي يعني
المهندس منسي: هوه عموماً مش هتقول لأ، المنتج اللي إنت هتقدمهولها أياً كان مش هتقول لأ
أنا بتكلم إن أنا ما حملش عليها مجهود أكبر فالمكنة مثلاً وليكن هي مثلاً مش متصممة لكده، فإنت بصفتك الحاجة تاعتك بقولي لأ ترشحلي مثلاً لأ ما تخدش المكنة دي، خد المكنة التانية الجهد…
العميل: طب إن شاء الله بإذن الله مواعديكم إيه في رمضان آجي أتكلم مع حضرتك
المهندس منسي: عادي من 11-9 طول أيام الأسبوع ماعدا يوم الجمعة
العميل: طيب العنوان اللي هوه مكتوب في الموقع بتاعكم ده 1 رئاسة باب الشعرية ده مضبوط
المهندس منسي: آه مضبوط
العميل: طيب مافيش مشاكل، ربنا ييسر ممكن خلال الأسبوع ده أكون عند حضرتك
مين معايا المهندس مين؟
المهندس منسي: المهندس منسي
العميل: شخصياً يعني، طيب تمام.. ماشي يا باش مهندس، ربنا ييسر خلال الأسبوع ده هكون عند حضرتك بإذن الله
المهندس منسي: أنا هبعتلك تليفون المبيعات دلوقتي في رسالة حضرتك هتابع معاهم
العميل: طيب مافيش مشاكل ماشي الرقم ده عليه واتس، وعليه إيمو، وعليه كذا حاجة لو في أي حاجة…
المهندس منسي: أنا هبعتهالك في رسالة عادية أسهل
العميل: طيب تحت أمرك، مافيش مشاكل، اتفضل، ماشي مع السلامة
