مكنة تصنيع الأطباق الفاكيوم الثيرموفورمينج موديل 605 ماركة مهندس منسي
مكنة تصنيع الأطباق الفاكيوم الثيرموفورمينج موديل 605 ماركة مهندس منسي
| العميل | : | السلام عليكم |
| المهندس منسي | : | عليكم السلام ورحمة الله وبركاته |
| العميل | : | شركة المهندس منسي |
| المهندس منسي | : | أيوه |
| العميل | : | معاك كميل من الصعيد يا فندم |
| المهندس منسي | : | أهلاً بيك يا عم كميل |
| العميل | : | أهلاً بيك يا باشا، المكن اللي عند حضرتك يغلف طبق الفاكيوم؟ |
| المهندس منسي | : | آه طبعاً، وعندي مكن كمان يصنع طبق الفاكيوم |
| العميل | : | إنت عارف طبق الفاكيوم اللي بيتباع فيه اللانشون والجبن والحاجات دي |
| المهندس منسي | : | آه في عندنا مكن تغلفه اسمها مكنة شرينك |
| العميل | : | بكام اللي بتعمل طبق الفاكيوم دي؟ |
| المهندس منسي | : | خليك في مكنة التغليف الأول، سعرها بيبدأ من ، أنا بسمي بالدولار ولكن باخد بالجنيه المصري مافيش عندي مشكلة عشان نضمن ثبات الأسعار |
| العميل | : | طب هو بتغلفه إزاي؟ |
| المهندس منسي | : | حضرتك بتحط الطبق بعد ما يتعبى في حتة كده زي الفوم وترميها على السير تطلع من الناحية التانية متغلفة |
| العميل | : | يا فندم أنا عايز أغلفه بنظام مش الشرينك ده |
| المهندس منسي | : | مافيش مشكلة مكنة تصنيع الأطباق الفاكيوم الثيرموفورمينج كمان موجودة |
| العميل | : | بتعمل كام دي؟ |
| المهندس منسي | : | اللي بتصنع لك العلب والعبوات والأشكال البلاستيكية كلها بجميع أنواعها |
| العميل | : | بتصنع إيه وإيه بالضبط؟ |
| المهندس منسي | : | كل أنواع العلب البلاستيكية بدون استثناء |
| العميل | : | الفاكيوم؟ |
| المهندس منسي | : | الفاكيوم آه |
| العميل | : | يعني أنا عندي مثلاً الفاكيوم الكيلو، والنص كيلو، والربع كيلو.. أي مقاسات |
| المهندس منسي | : | أي مقاسات أياً كانت |
| العميل | : | بس المكنة اللي سألنا عليها كانت عاملة مبالغ جامدة ولا دي مكنة مخفضة |
| المهندس منسي | : | إنت بتتعامل مع المهندس منسي الماركة العالمية، أنا بحثت بحيث إن أنا أحل مشكلة إن اللي زيك عايز يعمل مصنع صغير على أده يعمل إيه؟؟ |
| العميل | : | كلام صح، ربنا يبارك لك يا رب، وبتتصنع منين الخامة دي |
| المهندس منسي | : | الخامة موجودة عندنا ما تقلقش |
| العميل | : | الكيلو بكام بتاعها |
| المهندس منسي | : | الكيلو بيبدأ من 34-35 |
| العميل | : | أنا إن شاء الله 3-4 أيام أضبط لك قرشين وآجي أشوف المكنة دي |
| المهندس منسي | : | من غير ما تضبط القرشين يا عم كميل، تعالى شرفنا بالزيارة اتفرج واتعلم وبعدين ضبط القرشين براحتك، افهم المكن الأول واعرفه |
| العميل | : | أنا قصدي بالمرة آجي أشتري عشان السفر بس رايح جاي |
| المهندس منسي | : | تيجي تنورنا في أي وقت |
| العميل | : | طب المكنة اللي بتقول حضرتك بتعمل علب الفاكيوم وبتعمل القمع البلاستيك ده، دي بتعمل كوباية الشاي الفاضية البلاستيك؟ |
| المهندس منسي | : | ممكن إن شاء الله |
| العميل | : | تعمل كام ألف في اليوم دي؟ |
| المهندس منسي | : | كام ألف في الإيه؟ |
| العميل | : | مثلاً طبق أو قمع |
| المهندس منسي | : | لا كل حاجة بتتحسب، وأنا ما أقدرش أتكهن بالإنتاج بتاعها لأن المكن النص أتوماتيك بيعتمد على اللي شغال عليها |
| العميل | : | آه.. |
| المهندس منسي | : | هي السرعة بتتحسب على المنتج الواحد، دي مش بطلع منتج واحد، دي بتطلع ألف منتج، فهقولك على أنهي واحد، فإمكانية الإنتاج بتتحدد بناء على إن المكنة بتنتج منتج واحد |
| العميل | : | صح كلامك… خلاص بإذن الله نجيك أنا وأخوي ونشوف كل شيء طبيعي معالي الباشا |
| المهندس منسي | : | تنورنا يا عم كميل، أنا اتشرفت بيك، إنت منين؟ |
| العميل | : | من سوهاج |
| المهندس منسي | : | أهلاً بيك اتشرفت بيك |
| العميل | : | إحنا أكتر يا باشا، شكراً، مع السلامة |
| المهندس منسي | : | مع السلامة |
