مكنه تشكيل اطباق الفوم موديل 605 ماركة مهندس منسي
مكنه تشكيل اطباق الفوم موديل 605 ماركة مهندس منسي
| العميل | : | السلام عليكم |
| المهندس منسي | : | عليكم السلام ورحمة الله وبركاته |
| العميل | : | شركة المهندس منسي |
| المهندس منسي | : | أيوه |
| العميل | : | كنت بستفسر عن خط إنتاج للفوم، مصنع فوم |
| المهندس منسي | : | إحنا اللي عندنا دلوقتي خط إنتاج الفوم النص أتوماتيك، ده موجود بضاعة حاضرة |
| العميل | : | والأتوماتيك |
| المهندس منسي | : | لا وقفناه ما بقيناش نشتغل فيه |
| العميل | : | طيب، هو سعر خط إنتاج المتوسط بتاعه |
| المهندس منسي | : | هو أنا أتذكر لك بس اللي عندي بـ دولار |
| العميل | : | إنت حضرتك مش واخد بالك أنا بكلمك على إيه، أنا بكلمك على خط إنتاج لأطباق الفوم |
| المهندس منسي | : | ما هو أنا بقولك، عارف والله، دي مكنة نص أتوماتيك عندنا بتشكل أطباق الفوم بـ دولار، جنيه يطلع لك السعر بالمصري |
| العميل | : | |
| المهندس منسي | : | مضبوط كده |
| العميل | : | خط إنتاج الفوم بمكن التشكيل بكله كله |
| المهندس منسي | : | آه.. آه.. ما هي المكنة دي هي دي مكنة التشكيل، عملية بقى الاسطمبات، الاسطمبة بتتكلف في حدود ، 300 دولار، كده |
| العميل | : | طيب يا باشا، المكنة اللي أنا طالبها ده اسمه خط إنتاج، ده بيشمل المكبس اللي أساساً بنحط له البودرة بيطلع منها الرول، واخد بالك، وبعد كده يخش على مكابس التشكيل |
| المهندس منسي | : | آه إنت كده بتتكلم في خط إنتاج أتوماتيك |
| العميل | : | آه خط إنتاج أتوماتيك |
| المهندس منسي | : | لا ما أنا قلت لأخوك دلوقتي خط إنتاج الأتوماتيك وقفناه، عشان الاستفسارات عليه كتير قوي وماحدش بينفذ، فاللي عدنا دلوقتي نص أتوماتيك |
| العميل | : | طب ممكن نحدد ميعاد ونيجي نشوف الخط ده |
| المهندس منسي | : | ماشي موجود، تيجي في أي وقت تشرفني |
| العميل | : | طيب نجيلك فين؟ |
| المهندس منسي | : | إحنا عندنا باب الشعرية، حدائق القبة، مدينة نصر، 6 أكتوبر، غمرة، العبور |
| العميل | : | آه… تمام، يعني إحنا لو حبينا نيجي نتفرج على خط إنتاج شغال هنلاقي؟ |
| المهندس منسي | : | أنا بتكلم في إيه؟؟ أنا بتكلم في خط إنتاج نص أتوماتيك دي موجودة بضاعة حاضرة |
| العميل | : | أنا فاهم، يعني هنلاقي خط إنتاج شغال نبص عليه؟ |
| المهندس منسي | : | يعني إيه شغال، إحنا معرض بنبيع مكن |
| العميل | : | أنا فاهم |
| المهندس منسي | : | آه.. عايز تجرب، آه هيجرب لك |
| العميل | : | يعني لو في مكان واخدين منك نحب نفرج على الخط وهو شغال وكده |
| المهندس منسي | : | هوه إنت سألت عن اسم شركتنا ولا ما سألتش |
| العميل | : | آه طبعاً |
| المهندس منسي | : | إحنا شركة عندنا مصداقية وأمانة، فحضرتك هتيجي هتشرفنا بالزيارة هنقولك بتعمل يعني بتعمل، مش بتعمل، يعني خلاص هنقولك لا مش عندنا |
| العميل | : | خلاص إحنا نجيلك زيارة، اللي ورا باب الشعرية تمام؟ |
| المهندس منسي | : | آه إحنا عندنا باب الشعرية، حدائق القبة، مدينة نصر، 6 أكتوبر، غمرة، العبور |
| العميل | : | فين في 6 أكتوبر طيب؟ |
| المهندس منسي | : | http://m2pack.me/%D8%A7%D8%AA%D8%B5%D9%84-%D8%A8%D9%86%D8%A7/ |
| العميل | : | كتر خيرك يا فندم، شكراً |
