ماكينة فاكيوم تشكيل للبلاستيك 40×60 سم من شركة مهندس منسي
ماكينة فاكيوم تشكيل للبلاستيك 40×60 سم من شركة مهندس منسي
المهندس منسي: السلام عليكم
يوسف: وعليكم السلام ازي حضرتك
المهندس منسي: أهلا بيك
يوسف: كل سنة وانت طيب
المهندس منسي: كل سنة وأنت طيب
يوسف: أنا جبت الرقم بتاعك من على النت
المهندس منسي: اه
يوسف: أنا كنت عايز أجيب مكنة Vacuumأنا كنت استفسر عن الموضوع بيمشي ازاي أنا كنت عايز أبدأ المشروع ده يعني أنا عارف ان انتوا مكانكم في باب الشعرية
المهندس منسي: هو حضرتك جبت تليفونا منين
يوسف: مش انتو Mansy pack
المهندس منسي: اه
يوسف: تليفونكوا مغرق النت
المهندس منسي: ههههههههه ماشي يا بيه
يوسف: ايه في ايه
المهندس منسي: لا أصل النهاردة اتسألت على المكنة دي عدد كبير جدا من كذا مرة اتسألت على المكنة دي بالذات مش عارف ايه السبب
يوسف: النهاردة ؟
المهندس منسي: اه
يوسف: طب خير يعني يا مسهل خير
المهندس منسي: اه ربنا ييسر
يوسف: أنا اسمي يوسف حجاج أنا يعني قاعد في العبور وعندي موضوع صغير كده عايز اعمله vacuum فجيت أعمله vacuum فعملته عند حد خلاص already يعني
المهندس منسي: اه
يوسف: بس الموضوع أنا شايفه إنه كويس ممكن يمشي معايا إن شاء الله ممكن يبقى فيها فاتحة خير لينا يعني
المهندس منسي: إن شاء الله
يوسف: فبدور على الناس اللي بتجيب المكن ده وبتبيعه يعني والكلام ده
المهندس منسي: اه
يوسف: أنت بتصنعه ولا بتبيعه
المهندس منسي: هو احنا بنجمعه
يوسف: بتجمع لكن هو المكن أصله ايه
المهندس منسي: هو مش أصله ملوش بلد نقدر نقول منها ليه لأن كل قطعة بنحتاجها مثلا بنشوف ان دي مثلا ممكن تجيب كتوات مثلا من من اليابان ممكن تجيب كارتة مثلا من ألمانيا ممكن كده يعني
يوسف: تمام
المهندس منسي: فهي في الآخر شركتنا دي ماركتنا إحنا حاجتنا بإسمنا بماركتنا
يوسف: شغل
المهندس منسي: اه
يوسف: تمام تمام تمام طيب أنا كنت عايز آخد فكرةعن الموضوع وخاماته وازاي والقصة دي
المهندس منسي: هي المكنة نفسها ب دولار يعني
يوسف: ومقاسها قد ايه بس أنتو كاتبين أسعار أقل من كده خالص
المهندس منسي: يبقى حضرتك بتتكلم عن مكنة vacuum تانية
يوسف: لا انتو مش انتو Mansy pack
المهندس منسي: اه بص يا سيدي انت كتبت ماكينة vacuum فراحت طالعالك ماكينة vacuum فرحت أنت قولت ده هي دي
يوسف: ايوه
المهندس منسي: ماكينة الفاكيوم بتاعتك هتلاقي موديل 605 ، 605 ماركة المهندس منسي
يوسف: تمام
المهندس منسي: مش انت عايز مكنة ال vacuum التشكيل
يوسف: ايوه اللي هي بتشكل مش اللي هي بتقفل منتجات
المهندس منسي: ايواااه اللي هي التشكيل دي أصل ال vacuum حاجات كتير أوي في فاكيوم للتشكيل وفي فاكيوم لشفط الهوا من الكيس
يوسف: لأ
المهندس منسي: وفي فاكيوم لعمل ألمونيا على المنتجات البلاستيك وفي فاكيوم لخلخة الهوا whatever أيا كان بقي فأنا النهاردة أنت بتتكلم يعني الفاكيوم ده اسم مسمى لحاجات كتيرة
يوسف: اه
المهندس منسي: فأنت محتاج الفاكيوم الفاكيوم بتاعك اللي هو
يوسف: تشكيل
المهندس منسي: تشكيل العلب البلاستيك أو تشكيل الأشكال البلاستيك
يوسف: اه
المهندس منسي: فهي ده المكنة
يوسف: عارف أنت الشغل اللي بيتباع عند بتوع الموبايلات بيبقى السماعة
المهندس منسي: عارف أنت هي اسمها موديل 605 ماركة المهندس منسي
يوسف: اه
المهندس منسي: هي دي
يوسف: اكتب على النت كده
المهندس منسي: اه 605
يوسف: دي عاملة معاك 15 عندك أنت
المهندس منسي: امم
يوسف: دي مساحتها قد ايه وأقصى مساحة شغل ليها قد ايه
المهندس منسي: هي مساحتها غير مساحة الشغل مساحة الشغل بتشتغل لغاية 40×60
يوسف: تمام
المهندس منسي: أما مساحتها هي
يوسف: اه مساحة الشغل اه اللي يهمني مساحة الشغل اقصد يعني
المهندس منسي: اه 40×60
يوسف: اه 40×60 د د دي حاجة دي اومال اللي هي أم حوضين يا ريس بتاعت سحب الهوا
المهندس منسي: يا سيدي الفاضل أم حوضين دي مش مكنتك دي مكنة تانية دي مكنة مختلفة
يوسف: يعني أنا
المهندس منسي: اللي المكنة اللي أنت حضرتك عايزها المكنة اللي أنت حضرتك عايزها دي مكنة اللي هي 605 ماركة المهندس منسي اللي هي مكنة تشكيل العلب أما 605 و 601 و 602 و 603 دي vacuum بتشفط الهوا من الكيس علشان المنتج يفضل في الكيس مدة كبيرة ميحصلوش أي
يوسف: ميحصلوش أي حاجة تمام تمام
المهندس منسي: امم
يوسف: أفادكم الله يبقى أنا كده أدور على vacuum 605 ماركة المهندس منسي
المهندس منسي: ايوااااه
يوسف: تسلم تسلملي
المهندس منسي: مع السلامة
شكرا حضرتك ألف سلامة
الله يسلمك
