ماكينة الفاكيوم للتغليف وتفريغ الهواء من الأكياس من شركة مهندس منسي
ماكينة الفاكيوم للتغليف وتفريغ الهواء من الأكياس من شركة مهندس منسي
العميل: السلام عليكم
المهندس منسي: عليكم السلام ورحمة الله وبركاته
العميل: إزيك يا باش مهندس
المهندس منسي: أهلاً بيك
العميل: من فضلك بسأل على مكن فاكيوم 50× 50 أو 40 × 40 وات إيفر يعني
المهندس منسي: آه موجود
العميل: معلش بكام يا فندم السعر؟
المهندس منسي: عندنا مكنة 10 × 25 × 35 دي بتعمل
وفي مكنة تانية 40 × 45 × 45 دبل روم يعني مكنتين في مكنة عامله دولار
العميل: ده كله مستورد
المهندس منسي: إحنا بنسمي بالدولار إنما عادي عايز تدفع بالجنيه المصري مافيش مشكلة
العميل: أنا واخد بالي مش بتكلم في و دولار، أنا بتكلم صيني ولا إيه؟؟
المهندس منسي: دي براند، يعني إحنا بنصمم قطع الغيار ونبعتها بره، بنعمل الرسومات بتاعتنا والديزاينات بتاعتنا ونبعتها بره، وات إيفر أياً كانت الدولة مش فارقة معانا الدولة إيه، لأنه الجودة إحنا اللي مسئولين عليه زي إيه؟؟
زي ما تقول شركة مرسيدس وشركة بي إم، وشركة شيفرليه، هي بتصنع قطع غيارها بره ولكن هي المسئولة عن الجودة
العميل: أكيد طبعاً
المهندس منسي: هي مرسيدس إنت متأكد إنها من ألمانيا؟؟ لأ طبعاً هي قطع غيارها من بره، فهي مسئولية قطع الغيار تبعنا إحنا، وبعد كده بنجمعها عندنا هنا في جمهورية مصر العظيمة الجميلة
ولما كتبنا عليه صنع في مصر العميل اعترض عليه، ده بعد ما نجح، يعني بعد ما اشتغل من غير اسم ونجح، كتبنا عليه اللوجو بتاعنا وكتبنا عليه صنع في مصر العملاء اعترضوا عليه، ما علينا المهم، ربنا يكملها بالستر
العميل: طب مكن الفاكيوم ده محتاج اسطمبات عشان نعمل الشكل اللي عايزينه عليه
المهندس منسي: آه
العميل: الاسطمبة عند حضرتك ولا بنعملها عند الخراط بره
المهندس منسي: عندي أو أعرفك إزاي تعملها
العميل: طب سؤال معلش، بس سؤال غريب سؤال، هل في حد يعرفنا تشتغل إزاي وظروفها إيه ونتعامل معاها إزاي، لأن إحنا نجهل هذا الكلام، أنا تعاملي في الفاكيوم في الشغل، فده اللي خليني ألجأ إن أدور على حد بيصنع مكن فاكيوم لأن اللي بتشتغل معاهم بتوع الورش تعبتنا في حتة المواعيد والأسعار
المهندس منسي: ده الطبيعي في بلدنا دلوقتي، أي حد تقوله اعملي حاجة يتعبك في المواعيد ويلابط في كل حاجة، وعايز يقلبك وعايز… مش عارف…
العميل: صدقني يا باش مهندس أنا مقتنع إن كل واحد له ومتخصص فيه كويس، أنا لما بدأت مشاريعي فقلت لأ أنا باخد الفاكيوم من عند فلان، مثلاً أشغل… كل واحد يعملي جزئية وأنا بجمع في مكاني، أنا تجميع بس، فطبيعي كل اللي هيعملي جزئية أنا تحت ضرسه
المهندس منسي: آه…
العميل: يعني بتاع الفاكيوم أنا تحت منه، مش أنا المصدر، فيبوظ الشغل عنده… بس أنا مش عارف أقوله حد تاني أصنع عند حد تاني، فاهميني إزاي
وبعدين هوه اللي بيتحكم فيها زي اليومين دول كل سنة وإنت طيب، أو زي مولد النبي بالنسبة لنا بيبقى بالنسبة لهم الشغل عائق لأنه هوه رابط كل شغله لشغل الحلويات، فلمدة شهر ولا شهر ونص عنده ما يعملش شغل عشان يخلص شغل بالنسبة لنا يعني
المهندس منسي: مع إن العملية بسيطة جداً، وأسهل مما يمكن
العميل: فإذا كان في نصيب نتشرف بحضرتك…
المهندس منسي: بص هوه الأساس عندنا إن إحنا ما بنسلمكش المكنة ولا بنعتبر إنك استلمت المكنة إلا لما إنت تتدرب عليها تمام التدريب وتقول خلاص أنا كده استلمت، وتقر بذلك، واخد بالك
فتتدرب مرتين، بتدرب مرة عندنا في أماكنا، وتاني مرة في مكانك، لإن إحنا لاحظنا إن الثقافة الصناعية في مصر ضعيفة جداً جداً جداً
العميل: مضبوط
المهندس منسي: فبدأنا نعمل عملية تدريب وبرامج فيديوهات، ونديهم سيديهات في إيدهم
العميل: ربنا يديك الصحة ويوفقك، طب أنا لو حبيت أتشرف بحضرتك أسلم عليك أو أي حاجة من هذا القبيل
المهندس منسي: إنت تيجي تورني
العميل: مرسي ربنا يخليك ده ذوق منك، يعني لو عملنا كده ميعاد مع بعض يكون إمتى وإزاي وفين؟
المهندس منسي: هوه بص حضرتك أنا هبعتلك دلوقتي تليفون الناس اللي ماسكه المبيعات همه دول اللي هتابع معاهم
العميل: آه… خلاص
المهندس منسي: إحنا عندنا حدائق القبة، مدينة نصر، باب الشعرية، 6 أكتوبر
العميل: أنا روحت مرة فرع حدائق القبة دوت، اللي هوه شارع بورسعيد أخش يمين الدور التاني
المهندس منسي: أيوه
العميل: صح كده
المهندس منسي: آه
العميل: أنا روحته مرة قابلت واحد سوري هناك، بس لكن برده مش بالقدر الكافي زي ما تقول حد… هوه راجل مشكور بصراحة ما عملش حاجة يعني، كنت وقتها أنا بدور على أكياس معينة يعني منتج معطر، وقالي دي عامله ، زي ما تقول إحنا اختلفنا..
المهندس منسي: اختلفتم على إيه؟
العميل: اختلفنا وقتها على السعر لأنه هوه كان بيتكلم في كميات، هوه بصراحة اداني برشور مطبوع، ويا ريت صدقني يا ريت كنت عملته ما كنتش تعبت التعب اللي أنا تعبته هنا في مصر، ولا حتى المشاكل اللي أنا فيها من ساعة ما بدأت تصنيع، لكن النصيب بقى
أنا كنت بدور على ورقة ليها طباعة معينة كده زي طباعة الروتو، ورحت المكان دوت ومشكور الأخ السوري اللي هناك هوه فادني يعني بس أنا ماكنش وقتها العملة متوفرة…
المهندس منسي: لا عادي إنت ممكن تديله بالجنيه المصري
العميل: اللي حصل بقى ما اتفقناش، أو ما كنش في استفاضة في الكلام يعني… ما أعرفش الحصل إيه وقتها، والكيس ما طلعش زي ما أنا عايز، ما طلعش بالجودة اللي أنا منتظرها يعني
المهندس منسي: ما هو ده دايماً بنادي بيه، بقولهم يا جماعة ما تسيبوش حد يبلفلكم دماغكم ويتكلم أحسن، الناس اللي بتتكلم أحسن مننا، إحنا ما بنعرفش نتكلم، إحنا بنعرف نصنع، أنا بجيبلك النهاردة الجودة جودة الروتوجرافيك، الناس تقعد تقولك سنتر….. ويقعد يقنعك ويجيبلك عينات من الروتوجرافيك ويوريهالك يقولك إيه رأيك في الطباعة؟؟؟ تقوله الله هتطلع زي دي… إنسى…
وفي الآخر يروح مشرط العميل وفي الآخر المنتج المصري هوه اللي بيشيل، لأنه من أوله إنت جايب واحدة زي القمر وملبسها فستان خيشة، في الآخر هتشد الناس
العميل: بالضبط
المهندس منسي: جايب واحدة مش جميلة ولكن ملبسها حلو، ملبسها طباعة روتوجرافيك أعلى أنواع الطباعة، شيك، فتبص تلاقيها فارده صدرها وضاربه، ما علينا
المهندس منسي: أبعتلك أنهي فرع بقى من الفروع التانية؟
العميل: خلاص خلينا بتاع باب الشعرية ده فين؟
المهندس منسي: ورا رئاسة حي باب الشعرية في شارع المنسي
العميل: طب هي الرئاسة ديت تعتبر في شارع الجيش صح ولا أنا غلطان؟
المهندس منسي: آه رئاسة حي باب الشعرية في شارع الجيش آه، وراها بقى شارع المنسي إحنا وراها.. العميل: خليني أنا جاي من باب الشعرية الرئاسة على شمالي ولا على يميني بقى، على شمالي أعتقد
المهندس منسي: آه تبقى على يمينك، هتروح داخل في الشارع اللي وراها على طول
العميل: خلاص المواعيد من الساعة كام لكام حضرتك؟
المهندس منسي: من 11-9
العميل: حتى في أيام رمضان؟
المهندس منسي: في أيام رمضان ساعة الفطار وصلاة التراويح
العميل: طيب كل سنة وحضرتك طيب، طيب مرسي قوي، مرسي لحضرتك خالص
المهندس منسي: شكراً.. اتفضل..
