ماكينة فاكيوم غرفتين لشفط الهواء من اكياس البقوليات موديل 603 ماركة مهندس منسي
ماكينة فاكيوم غرفتين لشفط الهواء من اكياس البقوليات موديل 603 ماركة مهندس منسي
| العميل | : | السلام عليكم |
| المهندس منسي | : | عليكم السلام ورحمة الله وبركاته |
| العميل | : | باش مهندس منسي |
| المهندس منسي | : | أيوه |
| العميل | : | إزي حضرتك يا باشا معاك عبده من شركة السبع وردات يا باشا |
| المهندس منسي | : | أهلاً بيك |
| العميل | : | الله يبارك لك يا رب تسلم، بالنسبة لمكنات الفاكيوم إيه نظامه بالضبط؟ |
| المهندس منسي | : | عندنا أنواع منه متعددة |
| العميل | : | تمام أنا بشتغل تعبئة توابل وبقوليات، عندي مقاس 22 × 35 الكيس، والكيس الثاني مقاس 30 × 45، هل ده يبقى متاح في المكن ده؟ |
| المهندس منسي | : | آه يبقى إنت كده عايز المكنة الدبل، غرفتين.. مقاس الكيس كام؟ |
| العميل | : | 22 × 35، وكيس 30 × 45 |
| المهندس منسي | : | يبقى إحنا هنتعامل على الـ 30 أقصى مقاس اللي إنت بتشتغل بيه هو 30 |
| العميل | : | عرض 30 × 45 |
| المهندس منسي | : | الطول مش مشكلة بالنسبة لنا |
| العميل | : | تمام.. تمام يا مدير، دي بتشتغل على أي نوع من الأكياس ولا لها كيس معين؟ |
| المهندس منسي | : | إنت هتحط لها الكيس هي كل العملية هتشفط الهواء من الكيس وتلحمه، أما بالنسبة للأكياس المفروضة تكون في عالم الفاكيوم لو إنت بتشتغل بالشفاف يبقى المفروض البولي أميد عامل أساسي في كل الأكياس، البولي أميد المبطن بالبولي إثيلين، وفي أنواع تانية من الأكياس بس أفضل حاجة البولي أميد المبطن بالبولي إيثيلين، وموجودة أوردي عندنا، وعندنا كمان أكياس البولي أميد ألومنيوم بولي إيثيلين |
| العميل | : | آه عارفه ده الكيس اللي شكله حلو |
| المهندس منسي | : | أيوه |
| العميل | : | ويشتغل على المكنة |
| المهندس منسي | : | كل الأكياس اللي عندنا تشتغل على المكنة |
| العميل | : | ولو حبيت أطبع بقى |
| المهندس منسي | : | عادي مافيش مشكلة بس لازم كميات |
| العميل | : | يعني كام ألف مثلاً أقل حاجة |
| المهندس منسي | : | ما هو أنا مش عارف وزن الكيس كام؟ والسكنس اللي إنت محتاجه أد إيه عشان أقيم لك الكيس هيبقى وزنه كام |
| العميل | : | تمام.. بس بالنسبة للمكنة دي بتبقى عامله كام؟ |
| المهندس منسي | : | المكنة الكبيرة عاملة ، هي عبارة عن مكنتين في مكنة على أساس وإنت بتجهز هنا تكون التانية بتفاكيوم على طول عشان السرعة |
| العميل | : | يعني الاثنين مع بعض |
| المهندس منسي | : | هي مكنتين في مكنة، رقم الموديل بتاعها 603 ماركة المهندس منسي |
| العميل | : | شفتهم أنا اتفرجت عليهم، في 603، و 602 ، و 604 |
| المهندس منسي | : | هي الملائمة ليك أكتر 603 |
| العميل | : | دي بتضغط الكيس وتلحمه |
| المهندس منسي | : | آه بتشفط الهواء من الكيس وتلحمه |
| العميل | : | بتشفط بطريقة حرارية ولا طريقة عادية كده |
| المهندس منسي | : | لا هو إنت هتشفطه بطريقة حرارية ليه؟ |
| العميل | : | لأن أنا عندي توابل ممكن الشفط بطريقة عادية يسحب معاه التوابل |
| المهندس منسي | : | لا.. لا.. ما تشغلش بالك بالموضوع ده لأن الشفط هنا مش شفط هواء، ده بيبقى حاجة اسمه ضغط مركزي |
| العميل | : | يعني مش هيبقى في سحب.. ممكن نجرب عندكم بالنسبة للبن المطحون مثلاً شغالين عليه برده |
| المهندس منسي | : | شغالين بقالنا 12 سنة، وأول من عرف الناس في مصر يعني إيه كيس فاكيوم، إحنا متخصصين، عندنا الخامات وعندنا المكن، والشركة الوحيدة اللي لو دورت هتبص تلاقينا عاملين شرح تفصيلي للمكن، وشرح لصيانة المكن |
| العميل | : | موفق إن شاء الله، بالنسبة للصيانة عندكم متاحة |
| المهندس منسي | : | متاحة طبعاً، وإنت لو بصيت على الفيديوهات إنت مش هتحتاج صيانة، ولكن عندنا أكتر من 30 تيكنيكال |
| العميل | : | طب بالنسبة للإنتاجية يا باش مهندس أد إيه؟ وبتستحمل ضغط ولا شغل خفيف؟ |
| المهندس منسي | : | دي حضرتك بقى شرفنا بالزيارة هي موجودة بضاعة حاضرة، لأن إنتاجيتها هتحدد بناء على منتجك |
| العميل | : | أكيد آه |
| المهندس منسي | : | ولكن هي إنتاجيتها سريعة جداً لأنها مكنتين في مكنة |
| العميل | : | تمام.. العنوان زي ما هو مكتوب على النت باب الشعرية؟ |
| المهندس منسي | : | إحنا عندنا باب الشعرية، حدائق القبة، مدينة نصر، 6 أكتوبر، غمرة، العبور |
| العميل | : | فيه في العبور لكم فرع |
| المهندس منسي | : | إن شاء الله |
| العميل | : | تمام يا فندم، تسلم يا هندسة إن شاء الله قريب هيبقى في زيارة |
| المهندس منسي | : | ماشي يا باشا |
| العميل | : | اتفضل، السلام عليكم |
