ماكينات الفاكيوم من شركة المهندس منسي
ماكينات الفاكيوم من شركة المهندس منسي
| العميل | : | السلام عليكم |
| المهندس منسي | : | عليكم السلام ورحمة الله وبركاته |
| العميل | : | المهندس منسي |
| المهندس منسي | : | أيوه |
| العميل | : | معاك المهندس عصام من شركة 3 ماس |
| المهندس منسي | : | أهلاً بيك |
| العميل | : | أهلاً بيك، كنت ببص على النت ولقيت إنك بتصنعوا مكن تعبئة وتغليف ولا بتستوردوا؟ |
| المهندس منسي | : | إحنا ماركة، براند |
| العميل | : | آه بتستوردوا يعني |
| المهندس منسي | : | إحنا ماركة، زينا بالضبط زي شيفورليه، زي مرسيدس، زي آيفون، بس هي المشكلة إن إحنا ماركة عربية، خير هو حضرتك محتاج مكن إيه؟ |
| العميل | : | ما هو إنتم برده عندكم مشكلة الإعلانات مش واضحة برده للناس يعني، فالواحد عبال ما بيقعد يدور فين وفين عبال ما بيعتر، المفروض تشتركوا بردوا في المعارض |
| المهندس منسي | : | ما هو المعارض اللي لقيناها 150 واحد بيلفوا المعارض كلهم، ما بتجيبش نتائج، ما إحنا لقينا فيها نتائج كنا اشتركنا فيها |
| العميل | : | إنت بتصنع وإحنا بنشجع الحاجة المصرية |
| المهندس منسي | : | بص حضرتك هو التليفون الآيفون هو مش أمريكي، لما تيجي تفتحوا بتلاقي إيه؟ |
| العميل | : | بتلاقي حتة من هنا، وحتة من هنا |
| المهندس منسي | : | الله ينور عليك، أهو إحنا هتلاقي حتة من هنا وحتة من هنا ولكن إحنا أصحاب الفكر، إحنا أصحاب الديزاين نفسه، الفكر بتاعنا إحنا، ولكن هو الفلسفة العربية بتقول إن اللي هو اللي بيفكر هو اللي ينتج، ما ينفعش، اللي يفكر يفكر بس |
| العميل | : | طيب حضرتك بتنتجوا مكن باكينج تعبئة وتغليف ولا مكن… |
| المهندس منسي | : | كل ما يشمل التعبئة والتغليف أياً كانت |
| العميل | : | أنا بتكلم على مكن الفاكيوم بتعملوا عندكم؟ |
| المهندس منسي | : | عندنا آه |
| العميل | : | طب إنت اوصفلي المكان فين من جامع الشعراوي |
| المهندس منسي | : | إحنا عندنا باب الشعرية، حدائق القبة، مدينة نصر، 6 أكتوبر، غمرة، العبور، هبعت رابط هتلاقي فيه العناوين كلها اختار العنوان اللي يلائمك وروح له، ماشي يا غالي |
| العميل | : | طيب ماشي |
| المهندس منسي | : | مع السلامة |
