ماكينة التغليف بالفاكيوم المنزليه كود 604 ماركة مهندس منسي
ماكينة التغليف بالفاكيوم المنزليه كود 604 ماركة مهندس منسي
| العميل | : | السلام عليكم |
| المهندس منسي | : | عليكم السلام ورحمة الله وبركاته |
| العميل | : | لو سمحت بسأل على جهاز الفاكيوم الصغير 604 بكام ده حضرتك |
| المهندس منسي | : | المنزلي؟ |
| العميل | : | آه المنزلي آه |
| المهندس منسي | : | 100 ، يعني 1800 جنيه |
| العميل | : | طب حضرتك أنا بشتغل في السمك، يعني بجيب جمبري، ده يحفظ سمك؟ |
| المهندس منسي | : | آه ينفع آه |
| العميل | : | يعني يخش فيه أكياس تقيلة |
| المهندس منسي | : | ينفع، وعندنا أكياس الفاكيوم لو احتاجت أكياس الفاكيوم |
| العميل | : | بكام البكرة؟ ولا بتتحسب إزاي؟ |
| المهندس منسي | : | الكيس له سعر، والبكرة لها سعر |
| العميل | : | بكام الكيس حضرتك |
| المهندس منسي | : | بيبدأ من 15 قرش للكيلو |
| العميل | : | التقيل عشان الحاجات السمك والجمبري |
| المهندس منسي | : | بيبدأ من، أصل الأكياس بتبقى مقاسات، بتبقى عبارة عن سكنس وطول وعرض |
| العميل | : | طب إيه الفرق بينها وبين الأجهزة الكبيرة |
| المهندس منسي | : | ولا حاجة دي بتشفط هواء ودي بتشفط هواء، بس المنزلي بتاخد وقت شويه عشان الطرمبة بتاعتها اللي بتشفط الهوا صغيرة شويه |
| العميل | : | بتاخد الوقت أد إيه؟ |
| المهندس منسي | : | يستحسن لو تشرفنا بالزيارة |
| العميل | : | أنا عايز حضرتك بس توجهني… أصل أنا في التجمع الخامس |
| المهندس منسي | : | في عندنا فرع في مدينة نصر |
| العميل | : | فين حضرتك؟ |
| المهندس منسي | : | إحنا عندنا باب الشعرية، حدائق القبة، مدينة نصر، 6 أكتوبر، غمرة، العبور |
| العميل | : | لا مدينة نصر كويس |
| المهندس منسي | : | هبعت لك رابط فيه العناوين كلها والتليفونات واللوكيشن، تابع بقى معاهم |
| العميل | : | طب ماشي خلاص |
